“BASES DE ORGANIZACIÓN CAMIÑO DE SANTIAGO 2024: O CAMIÑO PRIMITIVO
Artigo 1.- Organización
O Servizo de Deportes do Concello de Rianxo organiza o “Camiño 2024: o Camiño Primitivo”, no que seguiremos o itinerario do “Camiño Primitivo”, que vai desde A Fonsagrada ata Santiago de Compostela.
A actividade desenvolverase en 6 etapas, nos meses de marzo a maio, desde A Fonsagrada (Lugo) a Santiago de Compostela.
Artigo 2.- Persoas destinatarias
Maiores de 18 anos; teñen preferencia as persoas residentes en Rianxo.
Artigo 3.- As etapas
ETAPA
|
ITINERARIO
|
LONXITUDE
|
DIFICULTADE
|
DATA PREVISTA
|
1
|
-
A Fonsagrada – Baleira
|
24,6 km.
|
Media
|
02/03/24
|
2
|
-
Baleira – Lugo
|
29 km.
|
Media
|
23/03/24
|
3
|
-
Lugo – San Romao da Retorta
|
18,8 km.
|
Media
|
06/04/24
|
4
|
-
San Romao da Retorta - Melide
|
28,4 km.
|
Media
|
20/04/24
|
5
|
-
Melide – Arca O Pino
|
32 km.
|
Media
|
04/05/24
|
6
|
-
Arca O Pino – Santiago
|
18,4 km.
|
Media
|
11/05/24
|
Artigo 4.- Programa de viaxe
-
Cada etapa terá o seu propio programa, no que se detallarán as cuestións relativas á organización, horarios, normas e desenvolvemento da actividade.
-
Ao tratarse dunha actividade social con carácter turístico, nas etapas está previsto deixar tempo para xantar, co mesmo sistema utilizado en actividades do Camiño precedentes. Os autobuses sairán despois do xantar.
-
O punto de encontro para a saída desde Rianxo establécese na parada de autobuses do paseo da Ribeira.
Artigo 5.- Prezo público.
-
Cada etapa ten un prezo de 15 €/etapa.
-
O prezo inclúe os custes de organización, transporte, monitorado e seguro de accidentes.
Artigo 6.- Prazas
Artigo 6.1.- Preinscrición e documentación
-
As preinscricións poderán formalizarse no Servizo de Deportes, nas plataformas dixitais que se habiliten e nos pavillóns municipais ata as 14 h. do 20 de febreiro.
-
A ficha de inscrición recollerá, ademais dos datos persoais, a data e hora de formalización da mesma, así como a autorización expresa para comprobar no Padrón Municipal o seu lugar de residencia. No caso de non autorizalo, solicitaráselle un volante de empadroamento.
Artigo 6.2.- Adxudicación das prazas e orde de preferencia
-
A adxudicación da praza farase por orde de inscrición.
-
No caso dun maior número de solicitudes que prazas, terán prioridade as persoas empadroadas no Concello de Rianxo.
-
O 21 de febreiro publicarase na web do Servizo de Deportes, e nos taboleiros de anuncios do Servizo de Deportes e dos pavillóns polideportivos, a listaxe de participantes e a listaxe de espera.
-
Despois desa data seguirán admitíndose inscricións que se ordenarán segundo os criterios establecidos nestas bases.
Artigo 6.3.- Pagamento da primeira etapa
-
A inscrición non se considerará completa ata o pagamento do cota de inscrición.
-
O Concello de Rianxo emitirá unha carta de pago para cada inscrición.
-
Unha vez confirmada a praza, o Concello emitirá unha carga de pagamento para cada inscrición, que deberá facerse efectiva antes do mércores 28 de febreiro.
-
No caso de non facerse o pagamento no prazo indicado, chamarase á primeira persoa da lista de espera e así sucesivamente.
-
No caso de non participar na actividade por causas alleas á organización, non se devolverá o importe da inscrición. Dito pagamento si será válido para a seguinte etapa na que participe, sempre e cando non sexa a última.
Artigo 6.4.- 2ª Etapa e posteriores.
Aqueles que participaron na etapa anterior terán reservada a praza, debendo comunicar ao Servizo de Deportes a súa intención de participar na etapa correspondente antes das 14 h do luns anterior a dita etapa. No caso de non facelo chamaríase ao correspondente na listaxe de espera.
Unha vez confirmada a praza, o Concello emitirá unha carga de pagamento para cada inscrición, que deberá facerse efectiva antes das 14 h. do mércores anterior á etapa.
Artigo 6.5.- Listaxe de espera
-
A listaxe de espera configúrase con aquelas persoas que non acadan praza, seguindo a orde de preferencia establecida nestas bases: data e hora de inscrición e residencia en Rianxo.
-
A listaxe é válida para todas as etapas, e non é necesario inscribirse para cada unha delas por separado.
-
A partir da segunda etapa, a listaxe de espera actualizarase tendo en conta a seguinte orde de preferencia:
-
As participantes en maior número de etapas sen contar a última, e así sucesivamente.
-
Data e hora de inscrición.
Artigo 7.- Normativa xeral e de seguridade
-
A organización resérvase o dereito de modificar datas ou percorridos, así como aprazar etapas por razóns de necesidades organizativas, de seguridade ou por incidencias meteorolóxicas (Alerta amarela/laranxa)
-
No caso de suspenderse unha etapa, trasladarase esa etapa á data da seguinte e así sucesivamente.
-
Cada participante será a encargada do seu avituallamento, tanto durante o percorrido coma no remate.
-
Non se permitirán animais de compañía.
-
A organización da proba reservarase a facultade de decidir sobre calquera aspecto ou circunstancia non contemplada neste regulamento.
-
Cada etapa está cuberta por un seguro de responsabilidade civil e un seguro de accidentes, subscritos ambos polo Concello de Rianxo.
-
As persoas participantes deberán circular polo percorrido marcado pola organización ou seguindo os tracks que desde a propia organización se facilitan, considerándose para todos os efectos usuarias normais da vía e deberán respectar as normas de circulación.
Artigo 8.- Dereitos de imaxe, uso de datos e autorizacións
-
A inscrición na actividade supón a aceptación das presentes bases.
-
As persoas inscritas declaran estar en bo estado físico e ter pasado os pertinentes recoñecementos de saúde, e deberán facer constar calquera incidencia médica (alerxias, atencións especiais...).
-
Os/as participantes autorizan e aceptan a publicación do seu nome e apelidos, así como a súa imaxe, nos documentos xerados para a xestión da actividade, listaxes de participantes, medios de comunicación e internet para a promoción do deporte.
Artigo 9.- Comunicación e publicidade
-
Estas bases publicaranse no taboleiro de anuncios, sede electrónica e na páxina web municipal.
-
A información sobre as prazas publicarase nos taboleiros de anuncios do Servizo de Deportes e Pavillóns Polideportivos, así como na web do Concello de Rianxo.
-
Os programas de etapa difundiranse a través do FB do Servizo de Deportes, do correo electrónico e dunha listaxe de distribución de whatsapp.
-
É responsabilidade das persoas inscritas e/ou participantes a comprobación da admisión na actividade e a realización das reservas, pagamentos e demais accións en debido prazo.
-
A organización, salvo casos excepcionais, non chamará por teléfono ás persoas participantes.”