Club Basquet Coruña

O Club Basquet Coruña celebrará unha nova edición do seu Campus Nadal 2024. Nesta ocasión terá lugar os días 23, 24, 26 e 27 de decembro.

A actividade lúdico-deportiva que abre hoxe as súas inscricións é un campamento que busca a promoción do baloncesto nun contexto de lecer e diversión e está dirixido a nenos e nenas nacidos entre 2013 e 2019 (ambos incluídos). Os participantes agruparanse por grupos de idade e nivel, favorecendo así a diversión e o maior aproveitamento do Campus.

O Campus terá lugar no Polideportivo de Agra 2 en horario de 09h a 14h, con opción de madrugadores dende as 8h00 e horario prolongado ata as 14h30, e desenvolverano monitores e adestradores con formación específica en baloncesto. O obxectivo das sesións será a mellora dos fundamentos técnico-tácticos, sen esquecer o compoñente de diversión. Dentro das actividades que terán lugar dentro do Campus, cabe destacar a excursión con visita ao adestramento do equipo ACB no Coliseum o día 27 de decembro.

O Campus conta cun seguro de accidentes para poder facer fronte ás atencións médicas que puidesen ser necesarias durante a súa celebración.

O prezo xeral será de 120€* e se pertences á #FamiliaLaranxa (abonados, fillos de abonados e xogadores do club) o importe será de 100€*.

* Se asisten 2 irmáns ao campus, o segundo terá un 10% de desconto.

* Madrugadores: suplemento de 10€.

* Horario prolongado ata as 14h30: suplemento de 5€.

O prezo inclúe 2 invitacións para o partido Leyma Coruña - Surne Bilbao basket do 28 de decembro.

Desde o Básquet Coruña convidámosvos a anotarvos ao noso Campus de Nadal e gozar este Nadal dunha experiencia formativa que aúna baloncesto e diversión. Esperámosvos!

Política de devolucións:

• En caso de cancelación dunha inscripción antes do 30/11/2024:
  • procederase á devolución do 70% do importe pago.
• En caso de cancelación dunha inscrición entre o 1/12/2024 e o 15/12/2024:
  • procederase UNICAMENTE á devolución do 50% do importe pago.
• En caso de baixas despois do 15/12/2024 e durante o desenvolvemento do campus:
  • Terase dereito a devolución unicamente no caso de baixa por causa de forza maior debidamente acreditada.
  • En caso de abandono voluntario ou por unha causa non tipificada como de forza maior, non haberá dereito a ningunha devolución.
    Prezos (tarifa de servizo e impostos incluídos)*